7.08.2011

اعمّ من العامي





اهااا بس .. زعاطيط  >> جمع زعطوط و تعني صغير جدا .

زعاطيط .. لا راحوا و لا جاوا ..



كل واحد فيهم حاط آي بوده جنبه و ينتظر ..


تقوله : شله عن الأرض .. لا أحد يكسره بالغلط ..


يقولك : لا لا ما بينكسر .. بشيله .. بس قاعد أحمل .



هيييي انت .. شتحمل ؟!!!

و الله ما تدري عن شي .. بس ..

يقول ابوي الله يحفظه بشأن التقليد :

( ويييين ؟ قال :معهم ) .

:)

و الله طحنا في بزارين ..




ما تشوف الا أصابع تتحرك .. يمين ، شمال ، فوق و تحت .

آي فون ، آي باد و آي بود .


خلاااااص ..

كفاية أجهزه بالبيت ..

مرض و الله .


لما تطفي الكهربا بالبيت كنا نصيح :

ماما ظلام .. ماما حرررررر .

تضمنا امي حولها .. و تهدينا تقول : عادي !

سنين عشنا بالحر ..

و نمشي معاها ندور شمعه .



ندور شمــــــــــــــعه .


:)




تعالي يمه شوفي عيالنا ..


لما تطفي الكهربا .. ينورون الغرفه بأجهزتهم ..


و يصرخووون :


ماما ..   ماااااااا في  نت !!






و الله قهر !


قبل كم سنه .. لما  كان الجوال أعظم اختراع ..

اشتهيته ..

قالت لي امي : اشتريه لما تخلصي الجامعه .

:)

ارتفعت معنوياتي  >>  قربت أتخرج .

خخخخخ
الحين ..



بو حميد  .. كل يوم يبي جهاز جديد .. لما أقوله :




يشتري لك بابا لصار عمرك 6 سنوات ..

 

كأني قايله له مصيبه .. بكل عجب يقول :

6 عاااااااااااااااااااااااااااد ؟

ترى عمره 5 الحين !!!!

ههههههههههههه






                                                                                            للحديث بقيه ...

 





هناك 14 تعليقًا:

Seldompen يقول...

ههههههه ..

إيـــه والله جبتيها على الجرح ..

صحيح انهم زعاطيط ؛)

والقهر لا مسك طفل جوالك وأهو " مو باللمس " وقام يحرك في الشاشة بصبعه ..
هوس هوس الحمدلله ..

أتوقع حمود يفكر أن هدية تخرجه من الروضة السنة الجاية آيفون ؛)

وما أتستبعد يصير شيء طبيعي ..

" على الهامش : أعجبتني اعم من العامي أوي أوي ؛) "

غير معرف يقول...

رهيييييبه ننتظر المزيد

هبه

أميـــــره يقول...

الهمسه ..

جيت على الجرح ؟

ههههه

لاني كاتبتها من الأعماق


شكرا لك

أميـــــره يقول...

هبه ..

انتظري ..

فيني شحنات ناويه اطلعها .



حياچ الله

دام الموضوع عامي .. نخلي الردود عاميه

rainbow يقول...

Za3ateet هههههههه
جمع زعطوط ..لا ويفهمون فى التقنية أحس منا .. ولن مسك موبايلك يحوسه ههههههه

تتحياتى لك أميرة ..
ماشاء الله من المدونين القدامى ..

ترا فى جوايز للمدوين القدامى مثل قدامى المحاربين
ههههههه

سعيد بمرورى هنا


حيااااك

أميـــــره يقول...

شكرا اخي قوس قزح ..

يلعبون في جوالنا ؟!

هههه

يغيرون الخلفيات و ادوات الضبط بعد ..



المزيد في التدوينه الجديده .

كريمة سندي يقول...

ما شاء الله تبارك الله لك سنوات في التدوين

سعدت بالتعرف عليك وعلى مدونتك الجميلة وتدوينتك الواقعية

أرق التحايا

أميـــــره يقول...

و انا سعدت بزيارتك

غير معرف يقول...

ههههههههههههه عاد حمودي ولدك ذا

علي محمد

أميـــــره يقول...

عالم عجيب اخي علي .

شكرا لتواصلك معي

فاطمة عبدالمحسن يقول...

والله والله يا أميرة أصبتي كبد الواقع

تو هالاسبوع بجمعة العايلة الابهات ايفونات والعيال كل واحد لعبة بيده

وابوي يتنقل من واحد للثاني يس|أله شسمى ذا ؟ ويقول خلف الله علي ما اعرف هالاشياء

حدوري ولد اختي ماشوف الا يشخط ( يشخط على قولة امي ) بالايفون وهو ماكمل السنتين

لا ويجي يقولي: حالة .. ايباد ) يعني خالة ابي الايباد

صاروا العائلة لما يجتمعون بدل مايسلفون بحميميه
كلن ماسك جهاز بيده ...


والله دنيا

بس ترى ايامنا .. اهدأ .. و أرحم .. وأحسن ويمكن اقل امراض ومخاطر لان كنا بعيدين عن زخم هالتكنولوجيا

والله يعينا على هالزعاطيط على قولتك ..

تدوين رائع اميرة
وعودة جميلة

كوني بخير

أميـــــره يقول...

وما ادرانا ما الغد فاطمه !

ربنا ايامنا هذه ارحم منها



شكرا لمرورك

غير معرف يقول...

Naughty

:))

غير معرف يقول...

ههههه أي والله صادقة
توهم ما طلعوا من البيضة و يعرفون كل شي
ما أدري حمودي اشيبي اجيب له اذا كمل سنة ؟!
جيل عجيب
تدوينة حلوة ^^